24 ліпеня 2024

Беларускае нацыянальнае медыя

У Польшчы пашыраюць петыцыю з “патрабаваньнем зьняць украінскі сьцяг з кургану Касьцюшкі ў Кракаве”

Чарговая расейская ІПСА?

У Польшчы пашыраюць петыцыю з “патрабаваньнем зьняць украінскі сьцяг з кургану Касьцюшкі ў Кракаве”

На польскім рэсурсе для складаньня петыцый Petycjeonline.com зьявілася патрабаваньне зьняць украінскі сьцяг з кургану Касьцюшкі ў Кракаве.

З такой просьбай ананімны аўтар петыцыі зьвяртаецца да камітэту кургана Касцюшкі ў Кракаве:

“Як паляк, я лічу недапушчальным, што на помніку гісторыі польскага нацыянальнага героя Тадэвуша Касцюшкі ёсць украінскі сцяг. Украіна не паважае нашых герояў. Ён не паважае парэшткі польскіх грамадзян, забітых АУН-УПА, эксгумацыю якіх не дазваляе ўкраінскі ўрад, апраўдваючыся вайной.
Больш за два гады прайшло з моманту абвастрэньня вайны ва Украіне. Палякі ўсё часьцей адчуваюць і сутыкаюцца з адсутнасьцю ўзаемнасьці і павагі з боку ўкраінскага ўрада і ўсё часцей з агрэсіяй з боку ўкраінцаў у Польшчы.
Сэрца, якое адчынілі ім палякі, было адкінута, эксплуатавана і зняважана. Улічваючы вышэйсказанае, патрабую неадкладна зьняць украінскі сьцяг з кургана Касцюшкі”.

На дадзены момант петыцыю быццам бы падпісала 20 483 чалавек, што выглядае досыць ненатуральна, бо іншыя петыцыі за аналагічны перыяд зьбіраюць усяго да 2-3 тысяч подпісаў.

Варта дадаць, што раней украінскі сьцяг на кургане Касьцюшкі ўжо быў аб’ектам атакі: 4 чэрвеня яго сарвала група людзей, сярод якіх апазналі Гжэгажа Браўна — прадстаўніка прарасейскай партыі Канфэдэрацыя, вядомага сваемі правакацыямі. Раней ён арганізаваў антысеміцкую правакацыю ў польскім Сейме (загасіўшы агнетушыцелям габрэйскую Хануку, запаленую ў знак салідарнасьці з Ізраілем).

На падставе гэтай інфармацыі можна зрабіць высновы, што і гэтая петыцыя з’яўляецца акцыяй прарасейскіх сіл з мэтай распальваньня міжнацыянальнай варажнечы. Вельмі часта расейскія спецслужбы ў сваех інфармацыйных аперацыях выкарыстоўваюць псеўда-патрыятычныя наратывы і зьвяртаюцца да нацыянальных пачуцьцяў людзей, уздымаючы наверх праблемныя старонкі гісторыі.

Вартае ўвагі

Апошняе

“Лыжка дзёгцю” да юбілею Васіля Быкава

Вылілася яна ў адрас Васіля Уладзіміравіча з рук Алеся...

Ганебныя выбары, параза нацыі

Цяпер рэжымны афіцыёз, дэм-агентура, "экспэрты" ўсх масьцяў (якія тады...

ТАКТЫКА СІСТЭМНЫХ РЭПРЭСІЙ СУПРАЦЬ БЕЛАРУСАЎ З БОКУ РАСЕЙСКІХ АКУПАНТАЎ І РЭЖЫМУ ЛУКАШЭНКІ

За часы рэжыму Лукашэнкі Масква рыхтавала нацыянальнае вынішчэньне беларусаў...

Глядзіце і чытайце WARTA у сацыяльных сетках: