19 чэрвеня ў Нацыянальнай бібліятэцы Чэхіі ў Празе прэзэнтавалі новую кнігу, прысьвечаную стагодзьдзю клясыка беларускай літаратуры Васіля Быкава.
«Васіль Быкаў 100» — сто выбраных цытатаў Быкава на тэмы гісторыі, літаратуры, палітыкі, эсэ і ўспаміны пра яго. Выданьне суполкі беларусаў Чэхіі «Скарына» пры фінансавай падтрымцы Рады БНР.
Над кнігай працавалі былыя журналісты Беларускай службы Радыё Свабода Аляксандар Лукашук, Галіна Навумчык, Сяргей Навумчык, Алена Ціхановіч і Сяргей Шупа.
Таксама на выставе можна пабачыць асабістыя рэчы Васіля Уладзімеравіча : арыгіналы лістоў, рукапісы, дакумэнты, асадка, якой пісаў клясык і нават кубачкі з-пад кавы (засталіся сьляды кавы).
