Эўрапейскі суд у Люксембургу разгледзеў пазоў авіякампаніі “Белавія” супраць Савета ЕС, у якім кампанія патрабавала зьняць зь яе санкцыі. Суд адмовіўся і пастанавіў, што «Белавія» яшчэ мусіць заплаціць судовыя выдаткі.
Асноўным аргумэнтам пастановы суда зьяўляецца тое, што заяўнік (“Белавія”) ёсьць дзяржаўнай нацыянальнай авіякампаніяй і поўнасьцю падпарадкоўваецца Аляксандру Лукашэнка.
Кіраўніцтва кампаніі таксама загадвала сваім супрацоўнікам не пратэставаць супраць парушэньняў на выбарах і масавых затрыманьняў у Беларусі, бо авіякампанія зьяўляецца дзяржаўным прадпрыемствам.
Па рашэньню Лукашэнкі кампанія займалася дастаўкай мігрантаў з Блізкага Усходу ў Беларусь.
Таксама А.Лукашэнка паабяцаў, што яго адміністрацыя акажа “Белавіі” усялякую падтрымку пасьля рашэньня ЭЗ аб увядзеньні забароны на пралёт паветранай прасторы ЭЗ і доступ у аэрапорты Эўразьвязу ўсім беларускім авіяперавозчыкам. Для гэтага ён дамовіўся з прэзыдэнтам Расеі Ўладзімірам Пуціным аб планаваньні адкрыцьця для кампаніі новых маршрутаў.
Нагадаем, што санкцыі супраць “Белавія” ў ЕС увялі ў канцы 2021 года. Тады сьцвярджалася, што кампанія займаецца дастаўкай мігрантаў у Беларусь, якія потым спрабуюць нелегальна перайсьці мяжу з ЕС. Авіякампаніі не ўдалося пераканаць суд і прадаставіць доказаў сваёй недатычнасьці.
