Студыя “Купалінка” паўстала у 2020 годзе, у першую хвалю эміграцыі, калі шмат беларусаў прыехала ў Польшчу, а менавіта ў Варшаву. Тады ў бацькоў узьнікла пытаньне, куды уладкаваць сваіх дзяцей. Такім чынам, зьявілася патрэба заснаваньня студыі, у якой дзеці маглі б бавіць час у беларускім асяродзьдзі ды, безумоўна, разьвіваць свае таленты. Дзеці патрапілі у рукі актывістаў, аматараў тэатру. Пакрысе студыя павялічвалася, зараз выхаванцы “Купалінкі” – гэта не толькі малыя дзеткі, а і падлеткі, і дарослыя. Зараз “Купалінкі” – гэта не толькі беларусы, а і ўкраінцы. На сёньня студыя “Купалінка” налічвае 70 вучняў.
Каб распавесьці падрабязьней пра дзейнасьць “Купалінкі”, у студыю Варта завітала рэжысёрка Натальля Локіць.
Якім чынам Натальлі удаецца кіраваць такой колькасьцю дзяцей, мець посьпех? Як адбываецца творчы працэс у студыі? Пра гэта і многа іншае глядзіце ў нашай размове.
Тэатральнай студыі “Купалінка” крытычна неабходна сталае памяшканьне для рэпетыцый і выступаў. “Купалінкам” можна дапамагчы фінансава на многія іншыя патрэбы для іх разьвіцьця.
Падтрымаць можна пераводам на рахунак:
67 1090 2590 0000 0001 5585 8779
Тытул перавода – na cele statutowe.
