У Польшчы выпусьцілі навігацыйнае папярэджаньне аб магчымасьці «незапланаванай ваеннай дзейнасьці» для карыстальнікаў паветранай прасторы.
Аператыўнае камандаваньне Узброеных сіл Польшчы папярэдзіла аб магчымай актывізацыі вайсковай авіяцыі на ўсходзе краіны, ля межаў з Расіяй, Беларусьсю і Украінай. Пра гэта паведамляе аператыўнае камандаваньне Узброеных сіл Польшчы.
Польскае агенцтва аэранавігацыйнага абслугоўваньня выдала навігацыйнае папярэджаньне (NOTAM), якое будзе дзейнічаць зь 5 лютага па 5 траўня 2024 года.
2 лютага Агенцтва аэранавігацыйнага абслугоўваньня Польшчы папярэдзіла грамадзянскіх карыстальнікаў паветранай прасторы аб «магчымай актывізацыі ваеннай авіяцыі на ўсходнім напрамку ў адказ на пагрозлівую сітуацыю на ўсходняй мяжы».
NOTAM быў выдадзены, каб папярэдзіць грамадзянскіх карыстальнікаў паветранай прасторы аб магчымым павышэньні актыўнасьці ваенных самалётаў ва ўсходняй частцы паветранай прасторы Польшчы ў адказ на «пагрозлівую сітуацыю на ўсходняй мяжы».
«Навігацыйныя папярэджаньні — незапланаваная ваенная дзейнасьць, зьвязаная з забеспячэньнем нацыянальнай бясьпекі — зьяўляюцца звычайным паведамленьнем у выпадках, калі неабходна забяспечыць бясьпеку руху ў польскай паветранай прасторы», — растлумачылі ў аператыўным камандаваньні.
Нагадаем, што папярэдне кіраўнік Бюро нацыянальнай бясьпекі Польшчы выказаў здагадку, калі Расея нападзе на NATO. Таксама камандуючы шматнацыянальным корпусам НАТО «Паўночны Ўсход» генэрал-лейтэнант Юрген-Ёахім фон Сандрарт заявіў пра пагрозу Балтыйскаму рэгіёну з боку Расеі.
