Стала вядома пра затрыманне 31 студзеня шэрагу былых сілавікоў.
- падпалкоўніка міліцыі запасу Ігара Кісляка, які скончыў службу намесьнікам начальніка адзьдзела ГУБАЗ і які доўгі час праслужыў начальнікам крымінальнай міліцыі Жодзінскага ГАУС;
- падпалкоўніка ў адстаўцы, былога намесьніка начальніка Жодзінскага ГАУС, начальніка міліцыі грамадскай бясьпекі Вячаслава Ільіча.
- падпалкоўніка, былога намесьніка начальніка Жодзінскага ГАУС па ідэалагічнай рабоце і кадравым забеспячэньні Андрэя Дарошкі;
- падпалкоўніка юстыцыі ў запасе, былога начальніка сьледчага аддзела Віталя Папроцкага;
- падпалкоўніка юстыцыі ў запасе, начальніка сьледчага аддзялення Дзьмітрыя Вдовіна.
У 2020-ым годзе яны запісалі відэазварот да сваіх былых калег, у якім асудзілі гвалт у дачыненні да беларусаў. Вядома, што супраць затрыманых распачалі крымінальную справу.
