Ёй прад’явілі абвінавачаньне ў шпіянажы.
20 снежня 2023 года супрацоўнікі органаў унутранай бясьпекі Польшчы затрымалі беларуску па абвінавачаньні ў шпіянажы на карысьць Камітэта дзяржаўнай бясьпекі Беларусі.
«Як было ўстаноўлена, беларуска на працягу некалькіх месяцаў перадавала на карысьць вышэйузгаданай службы інфармацыю пра чальцоў беларускай дыяспары, якія знаходзяцца на тэрыторыі Польшчы, і арганізацыях, якія аб’ядноўваюць беларусаў і палякаў беларускага паходжаньня»,— гаворыцца ў паведамленьні Агенства Унутранай Бясьпекі Польшчы (ABW).
Ёй прад’явілі абвінавачаньне ў шпіянажы. Жанчына арыштаваная на тры месяцы. Пакуль імя затрыманай не называецца.
