Раніцай у «Чорную суботу» 7 кастрычніка дзясяткі маладых людзей, якія адпачывалі на фестывалі, схаваліся ад атакі тэрарыстаў Хамас у бэтонным сховішчы без дзьвярэй. Сярод маладзёнаў быў Анэр Шапіра, ваяр ізраільскай арміі, які у той час быў у адпачынку, таму пры ім не было зброі.
Неўзабаве да сховішча пад’ехалі баевікі ХАМАС. Узброеныя да зубоў тэрарысты пачалі закідваць бязьзбройных маладых людзей гранатамі.
Анэр Шапіра, узброіўшыся бітай бутэлькай (“ружачкай”) стаў на ўваходзе (другое фота) ды не даваў баевікам увайсьці. Кожны раз, калі тэрарысты кідалі ўнутр гранату, ён хапаў яе і выкідваў назад – так, што яна выбухала звонку. Такім чынам ён здолеў выкінуць 7 гранат. Восьмая граната разарвалася ў яго ў руках, і ён быў сьмяротна паранены.
14 лістапада было апублікавана чатыроххвіліннае відэа з відэарэгістратара, якое зафіксавала гераічны учынак 22-гадовага салдата ЦАХАЛа Анера Шапіра.
Гісторыю яго гераізму распавялі тыя, хто выжылі ў разні 7 кастрычніка:
“Ён выратаваў нашы жыцьці. Ён заслугоўвае асоблівага гонару. Ён быў нашым анёлам-ахоўнікам”.
” Анэр выратаваў палову людзей у сховішчы, калі выкінуў большую частку кінутых у нас гранат”.
