Беларусь заняла 104-е месца зь 142 магчымых у сусьветным рэйтынгу вяршэнства закона, які штогод публікуецца міжнароднай НДА World Justice Project.
У рэйтынгу 2023 года Беларусь размясьцілася па-суседству з Таго (102-е месца), Кыргістанам (103-е месца), Замбіяй (105-е месца), Кот-д’Івуарам (106-е месца).
У рэйтынгу “Фундамэнтальныя правы”, па падліку World Justice Project, Беларусь знаходзіцца на 128-м месцы. 127 месца заняў Камэрун, а 129 – Уганда.
Канцэпт “Фундамэнтальныя правы” утрымлівае у сабе:
- Роўнае стаўленьне і адсутнасць дыскрымінацыі
- Права на жыцьцё і недатыкальнасць асобы эфектыўна гарантуецца
- Правасудзьдзе і правы абвінавачанага
- Свабода меркаваньняў і іх выказвання фактычна гарантуецца
- Свабода перакананьняў і рэлігіі фактычна гарантуецца
- Свабода ад адвольнага ўмяшаньня ў прыватнае жыцьцё фактычна гарантавана
- Свабода сходаў і асацыяцый фактычна гарантуецца
- Асноўныя працоўныя правы фактычна гарантаваныя
Табліца каэфіцэнта вяршэнства закону за перыяд 2015 – 2023г дэманструе, што з кожным годам выніковая лічба памяншаецца: з 2015 года па 2023г каэфіціэнт зьнізіўся з 0.53 да 0.45.
На думку World Justice Project, у прававой сістэме Беларусі назіраецца дэградацыя механізмаў стрымліваньня і процівагаў, якія маглі бы абмяжоўваць дзеяньні дзяржавы ў адносінах да ўласных грамадзян.
