Баявыя дзяжурствы на элементах самай сучаснай сістэмы “Патрыёт” пачнуцца з гэтай пятніцы, 6 кастрычніка, паведаміла Мінабароны Польшчы.
Кіраўнік ведамства Марыюш Блашчак назваў гэта “гістарычнай, пераломнай” падзеяй.
Паводле яго словаў, на наступным тыдні на палігоне адбудуцца вучэньні чарговага падраздзяленьня сістэмы СПА блізкага радыусу дзеяньня “Mała Narew”, створанай у супрацоўніцтве з Вялікабрытаніяй, яе наступныя падраздзяленьні неўзабаве ўвойдуць у сістэму СПА Польшчы.
У Мінабароны таксама падкрэслілі, што раней паведамлялася аб вучэньнях з выкарыстаньнем новых сістэм СПА.
“гэта ўжо не вучэньні – агнявая група ракетнага дывізіёна супрацьпаветранай абароны атрымала пэўную баявую задачу, заснаваную на рэальных сцэнарах. Задача групы – абараніць Варшаву ад пагрозы ў выглядзе тактычных балістычных ракет”
У бліжэйшы час гэта падраздзяленне пройдзе сертыфікацыю, а потым увойдзе ў пастаяннае баявое дзяжурства, абараняючы насельніцтва і крытычна важную інфраструктуру сталіцы, рэзюмавалі ў ведамстве. У сваёй прамове Марыюш Блашчак запэўніў вайскоцаў:
Мы паслядоўна будуем шматслаёвую комплексную сістэму супрацьпаветранай і супрацьракетнай абароны з удзелам польскай прамысловасці і амерыканскіх і брытанскіх партнёраў. Магчымасці гэтага абсталявання астранамічныя. Калі параўноўваць гэта з сістэмай, якой раней было абсталяванае Войска Польскае, то бок постсавецкай сістэмай, то гэта сапраўды вялікі прарыў у плане бясьпекі нашай Бацькаўшчыны. Але, падкрэсліваю, мы не спыняемся на гэтым шляху – многае яшчэ ў нас наперадзе.
