Супольнасьць чыгуначнікаў Беларусі, спасылаючыся на свае крыніцы, пацьвярджае інфармацыю аб тым што учора, 05.10.2023 каля 23:30 у раёне станцыі Азярышча (Менскі адзьдзел БЧ) адбыўся выбух.
Паводле папярэдняй і пакуль неверыфікаванай інфармацыі, пашкоджаны ўчастак чыгуначнага палатна і стрэлачнага пераводу, якія злучаюць станцыйныя шляхі з пагрузачна-разгрузачнымі ў месцы знаходжаньня грузавых рампаў.
Гэтыя інжынерныя збудаваньні на станцыі Азярышча перыядычна задзейнічаюцца для выкананьня пагрузачна-разгрузачных апэрацый з ваеннай тэхнікай – заўважаюць чыгуначнікі.
Станцыя Азярышча знаходзіцца акурат на маршруце (распрацаваны ў абыход Менску), які актыўна выкарыстоўваецца для павышэньня ўтоенасці і сакрэтнасьці пры ажыцьцяўленьні воінскіх перавозак расейскай тэхнікі, боепрыпасаў і кантынгенту ў напрамку Барановіч і Лунінца.
