Паліцыя Нью-Ёрка ўзнагародзіла беларуску Настасьсю Горбань за «надзвычайную сьмеласць, спагадлівасць, чалавечнасьць, імгненную ацэнку сітуацыі і прыняцьце мер для выратавання жыцьця чалавека».
20 жніўня падчас раняшняй прабежкі Настасься заўважыла на мосьце паміж Бруклінам і Квінсам дзяўчыну, якая відавочна мела намер зьдзейсніць самагубствам: яна сядзела на краю моста, трымаючыся за парэнчы.
Настасься паспрабавала пагаварыць з дзяўчынай, але тая ніяк не рэагавала, а потым раптам адпусьціла рукі ад парэнчаў.
На шчасце, беларуска пасьпела злавіць дзяўчыну за нагу і трымала яе над вадою, пакуль на месца не прыбыла паліцыя, якую, верагодна, выклікаў хтосьці з прахожых.
