У ноч на 18 кастрычніка Санкт-Пецярбург і Ленінградзкая вобласьць зазналі атаку беспілётнікаў. Паводле паведамленьняў, у рэгіёне адбыліся выбухі, пажары і перабоі з электразабесьпячэньнем.
У Санкт-Пецярбургу загарэлася тэрыторыя нафтавага тэрміналу. Таксама паведамлялася пра атаку на дата-цэнтар VK у Ленінградзкай вобласьці і збоі ў працы онлайн-сэрвісаў.
У рэгіёне ўзьніклі перабоі з электразабесьпячэньнем, а аэрапорт Пулкава часова абмяжоўваў працу. Маштабы пашкоджаньняў і наступствы атакі ўдакладняюцца.
У Пецярбургу гарыць таксама склад Ozon
У расейскім Пецярбургу загарэўся склад маркетплэйсу Ozon. Прычыны ўзгараньня і маштабы пажару пакуль невядомыя.
