12 кастрычніка цэны на нафту заставаліся нестабільнымі на фоне абвастрэньня сытуацыі на Блізкім Усходзе і заяваў прэзыдэнта ЗША Дональда Трампа пра «энэргетычнае замірэньне» паміж Украінай і Расеяй.
Ф’ючэрсы на нафту Brent у ходзе таргоў падвышаліся прыкладна на 2% — да 106,79 даляра за барэль. Росту спрыялі атакі хусітаў на Саудаўскую Аравію і пагрозы пастаўкам нафты праз Армузкі праліў.
Пры гэтым рэакцыя рынку застаецца неадназначнай: заявы Трампа пра замірэньне і магчымыя дадатковыя пастаўкі расейскага дызэльнага паліва ствараюць супрацьлеглы ціск на цэны.
