У Нацыянальным аэрапорце «Менск» масава затрымліваюцца рэйсы ў Расею. Самалёт «Аэрафлёту», які павінен быў а 6:30 вылецець у «Шарамеццева», істотна спазняецца. Борт «Белавія» ў тым самым кірунку вылецеў з двухгадзіннай затрымкай.
Два сёньняшнія рэйсы ў Маскву ўвогуле скасаваныя. Затрымкі закранулі таксама Стамбул, Кутаісі і Ташкент.
«Белавія» выконвае гэтыя рэйсы праз паветраную прастору Расеі, дзе праз атакі ўкраінскіх дронаў уведзеныя абмежаваньні.
Вайна Расеі супраць Украіны ўсё мацней адбіваецца і на авіяцыйным спалучэньні Беларусі, залежным ад расейскай паветранай прасторы.
