Вярхоўны суд Комі прысудзіў 7 гадоў калёніі строгага рэжыму філёзафу і сацыёлягу Мікалаю Зюзеву, грамадзянінаму Расеі і Канады. Яго абвінавацілі ў дзяржаўнай здрадзе.
Паводле ФСБ, у 2022 годзе Зюзеў працаваў над праектам, які прадугледжваў, сярод іншага, падрыхтоўку за мяжой лідэраў нацыянальна-вызвольных рухаў малалікіх народаў РФ, збор інфармацыі і распаўсюд «экстрэмісцкіх матэрыялаў».
ФСБ сьцьвярджае, што Зюзеў атрымаў больш за 2 мільёны эўра ад 12 замежных арганізацый, якія расейскія ўлады прызналі «непажаданымі». Сярод іх — Фонд Ханна Зайдэля, Chatham House, Швэдзкі інстытут і IREX Europe.
Зюзеў — доктар філязофскіх навук, сацыёляг і гісторык навукі. Ён выкладаў ва ўнівэрсытэтах Комі, праходзіў стажыроўку ў Гарвардзе, а з 2008 году жыў у Канадзе. У 2022 годзе пакінуў Расею, але летам 2025-га вярнуўся ў Комі, дзе яго затрымалі пасьля ператрусу.
