Былы палітвязень Анджэй Пачобут сёньня перасёк польска-беларускую мяжу і накіраваўся ў родны горад.
Паводле Gazeta Wyborcza, ён плянуе правесьці ў Беларусі каля тыдня — сустрэцца з сям’ёй і паплечнікамі з Саюзу палякаў Беларусі.
Пачобута затрымалі ў Горадні ў сакавіку 2021 году. У лютым 2023-га яго асудзілі на 8 гадоў калёніі.
28 красавіка 2026 году ён быў вызвалены пасьля больш чым пяці гадоў зьняволеньня ў межах абмену паміж Беларусьсю і Польшчай.
Пасьля вызваленьня Пачобут казаў, што ягоны дом застаецца ў Горадні. Цяпер ён упершыню пасьля вызваленьня вярнуўся ў Беларусь.
