Латвія плянуе ўвесьці 300-працэнтнае мыта на транзыт збожжа з Расеі і Беларусі, а таксама на яго перапрацоўку.
Пра гэта заявіў прэм’ер-міністар Латвіі Андрыс Кулбергс пасьля пасяджэньня ўраду.
Паводле яго, ініцыятыву падтрымліваюць усе партыі, прадстаўленыя ў Сэйме.
Улады Латвіі тлумачаць рашэньне неабходнасьцю ўскладніць Расеі экспарт збожжа з акупаваных украінскіх тэрыторыяў.
Паралельна Літва заявіла, што будзе ўважліва правяраць паходжаньне транзытнага збожжа з Расеі і Беларусі.
Такім чынам, краіны Балтыі ўзмацняюць кантроль за беларускім і расейскім збожжавым транзытам.
