Увесну 2025 года грамадзяне Украіны Вольга і Мікалай прыехалі ў Беларусь з эўрапейскай краіны, дзе жылі з 2023 года. Яны планавалі пераехаць у Беларусі ў вёску.
Але Вольгу і Мікалая затрымалі неўзабаве пасьля пераезду. Іх абвінавачвалі ў агентурнай дзейнасьці, шпіянажы, тэрарызме і іншых цяжкіх палітычных злачынствах. Паўгода іх утрымлівалі ў нечалавечых умовах без перадач, зменнай бялізны і сродкаў гігіены. Мікалая катавалі, зьбівалі, зьдзекаваліся, зьмяшчалі ў «прэс-хаты», шантажавалі сэксуальным гвалтам над жонкай да такога стану, што ён перастаў размаўляць і ў яго пачаліся псіхалагічныя праблемы.
Пасля перажытых у Беларусі катаваньняў і псіхалагічнага ціску мужчына моцна заікаецца і з цяжкасьцю размаўляе.
«Спрацоўнік КДБ сказаў мне, што адвёз маю жонку ў пансіянат КДБ нібыта ў дом адпачынку. І яна цяпер там усіх абслугоўвае».
Праз паўгады катаваньняў у лукашысцкіх лагерах Вольгу і Мікалая дэпартавалі з Беларусі ва Ўкраіну.
Падрабязьней: https://spring96.org/be/news/119370
