Нацыянальна-вызвольны рух “Вольная Беларусь” арганізаваў урачыстую імпрэзу, каб ушанаваць 105 гадавіну Слуцкага збройнага чыну — ўзбройнага выступу беларусаў з мэтай абараніць незалежнасьць сваёй краіны ад расейскіх акупантаў.
На імпрэзе выступіў з відэа-зваротам Зянон Пазьняк, з прамовамі выступілі Павел Усаў, прадстаўнікі Вольнай Беларусі, Руху Каліноўцы, стралецкай школы DavoutShooter.
Выкладчык “Першай беларускай анлайн школы ва Ўкраіне” правёў для прысутных гістарычную лекцыю і віктарыну, прысьвечаную падзеям Слуцкага збройнага чыну.
Завяршылася імпрэза вершамі ўдзельніка паўстаньня Алеся Змагара ў артыстычным выкананьні Юліі Шаўчук і беларускімі сьпевамі ў непараўнальным выкананьні Лізаветы Рэўт і Сяржука Церлюкевіча (Школа традыцыйнай беларускай культуры ў Варшаве).
Фотарэпартаж: Алег Лазоўскі
