На вайне ва Украіне загінуў беларускі добраахвотнік Аляксандр Стасевіч, распавёў яго сябар Яраслаў Грышын у фэйсбуку.
Гісторык па адукацыі, Сашка быў вельмі адукаваным, сьветлым, мудрым чалавекам з вялікім сэрцам, шырокай душой, летуценнікам – празорцам.
Аляксандр не абавязаны быў ваяваць за Украіну, ён быў неаднаразова паранены і кантужаны –
ён мог з чыстым сумленьнем дэмабілізавацца. Але Сашка не мог пакінуць свой атрад і сваіх таварышаў. Разуменьне ўсіх рызык; ішоў да канца – як сапраўдны Воін.
- напісаў яго сябар.
Па адукацыі Стасевіч быў гісторыкам, скончыў бізнэс-школу Кіева-Магілянскай акадэміі. У складзе ВСУ ён служыў штурмавіком спецпадраздзяленьня.
