33-гадовы беларуса амаль год утрымліваўся на фэрме ў Сьвярдлоўскай вобласьці Расеі на рабскіх умовах.
Як высьветлілася, грамадзянін Беларусі Вадзім Жалезкі прыехаў на заробкі ў Расею ў траўні 2023 году па запрашэньню свайго сваяка.
Па дамоўленасьці Вадзім павінен быў працаваць на пілараме з заработнай платай 25 тысяч расейскіх рублёў (каля 260 даляраў). Аднак насамрэч яго прывезьлі на фэрму ў пасёлку Шадрыха Сьвярдлоўскай вобласьці. У мужчыны забралі ўсе дакумэнты, а яго працай стаў догляд кароваў і дапамога ў гаспадарцы. За 10 месяцаў працы беларусу ані разу не заплацілі. Аднойчы за страчаную карову Вадзіма жорстка пабілі. Фота з пабоямі зафіксавалі валантэры на месцы.
Разам з супрацоўнікам «Альтэрнатывы» (арганізацыя, якая змагаецца з сучасным рабствам) вызваляць Вадзіма Жалезку на фэрму прыехалі валянтэры, журналісты і паліцыя. Яны запісалі размову з гаспадаром фэрмы і вымусілі яго вярнуць дакумэнты ахвяры. У сваю чаргу, гаспадар фэрмы, на імя Навер, упэўніваў паліцыю, што частку абяцанага заробку ён пералічваў былой жонцы Вадзіма ў рахунак алімэнтаў, а астатняе пайшло на забесьпячэньне яго прадуктамі харчаваньня і неабходнымі рэчамі, таму Вадзім практычна яшчэ й застаўся даўжніком.
Мужчыне далі грошы толькі на зваротны білет.
