У Чарнігаве адкрылася выстава памяці беларускіх воінаў, якія абаранялі Украіну
У рамках адкрыцьця першая намесьніца старшыні Чарнігаўскага абласнога савету Ніна Лемеш рассказала, як беларусы дапамагалі чарнігаўцам, якія ў лютым-красавіку 2022 году апынуліся пад акупацыяй:
— Я добра памятаю люты-сакавік 2022 году, калі жыхары, якія былі пад поўнай акупацыяй, мелі сувязь і знайшлі гэтую сувязь з нашымі неакупаванымі тэрыторыямі, і беларусы падалі асабліва моцную руку падтрымкі. Але гэта не той беларускі рэжым, які зрабіў усё, каб з тэрыторыі Беларусі ляцелі ракеты і ішлі войскі…
— Ёсць такія факты, калі жыхары акупаванай тэрыторыі ехалі ў Беларусь і прывозілі адтуль прадукты і медыкаменты. Паехалі ў Беларусь, знайшлі там кантакт, куды ехаць купляць. Гэта нярэдкія выпадкі. Яшчэ ў красавіку, калі мы размаўлялі (з жыхарамі дэакупаванай тэрыторыі Чарнігаўскай вобласьці, — заўвага) — мы казалі пра неадназначнасьць: ляцелі ракеты зь Беларусі і пайшлі расейцы, але шмат хто там не падтрымлівае гэта, яны проста услых гэта не кажуць, але саму Украіну падтрымліваюць. Такія кантакты і дапамога былі ў Беларусі, кажа палітык Ніна Лемеш.
Выстава «З Украінай у сэрцы» будзе экспанавацца ў Мастацкім музеі Чарнігава да канца студзеня. Уваход вольны.
