У Грузіі затрымалі беларуса Льва Міхеева, які чакае палітычнага прытулку з 2021 году. Пра гэта паведаміў праваабаронца Раман Кісляк, які таксама жыве ў Грузіі.
25 верасьня Міхееў прыйшоў у міграцыйны дэпартамэнт у Марткопі, каб падоўжыць часовае пасьведчаньне асобы. Там яго затрымалі і павезьлі ў Тбілісі на сумоўе. Пасьля гэтага сувязь зь ім зьнікла.
Паводле Кісляка, справа Міхеева знаходзіцца ў апэляцыйным судзе. Калі ў прытулку яму адмовілі, беларуса могуць дэпартаваць у Беларусь або іншую краіну.
Паводле «Позірку», у першай палове 2026 году з Грузіі выслалі 24 беларусаў. Ад пачатку году грузінскія ўлады не задаволілі ніводнага хадайніцтва беларусаў аб наданьні прытулку.
