Беларускія ўлады пачалі ўжываць новую форму ціску на студэнтаў Эўрапейскага гуманітарнага ўнівэрсытэту, які ў Беларусі прызнаны «экстрэмісцкай арганізацыяй».
Паводле некаторых выданьняў у некалькіх выпадках студэнтам ЭГУ, якія знаходзіліся ў Беларусі, забаранілі пакідаць краіну, узяўшы зь іх падпіску аб нявыездзе.
Пакуль невядома, наколькі шырока практыка выкарыстоўваецца і колькі студэнтаў магло трапіць пад такія абмежаваньні. Таксама невядома, ці распаўсюдзіцца такая практыка на студэнтаў і выкладчыкаў іншых ВНУ.
Аднак сам факт прымяненьня падпіскі аб нявыездзе да студэнтаў ЭГУ сьведчыць пра далейшае ўзмацненьне ціску і транснацыянальных рэпрэсій на тых, хто мае дачыненьне да ўнівэрсытэту.
