Дзярждэпартамэнт ЗША ўхваліў магчымую ўгоду аб продажы Ўкраіне сыстэмаў супрацьпаветранай абароны, ракетаў, радыёлякацыйных станцыяў і спадарожнага абсталяваньня на агульную суму $2,68 млрд.
У пакет уваходзяць:
– ракеты S-300 Clone;
– ракеты GAM-67;
– ракетныя комплексы СПА з лазэрным навядзеньнем і павялічанай далёкасьцю дзеяньня;
– транспартна-пускавыя ўстаноўкі ITEL 1.5;
– камплекты для мадыфікацыі мабільных пускавых сыстэмаў;
– радыёлякацыйныя станцыі RPS 202 для супрацьдзеяньня БПЛА;
Фінансаваць угоду плянуецца за кошт эўрапейскіх унёскаў і сродкаў амэрыканскай праграмы Foreign Military Financing (FMF), выдзеленых яшчэ папярэдняй адміністрацыяй.
Паводле Дзярждэпартамэнту, патэнцыйная ўгода павінна ўзмацніць здольнасьць Украіны абараняцца ад цяперашніх і будучых пагрозаў.
Раней, 17 верасьня, стала вядома, што ЗША разглядаюць магчымасьць перадачы Ўкраіне 10 ракетаў-перахопнікаў MIM-104E GEM-T для Patriot коштам $29,6 млн — з прапановай, якая паступіла ад Нямеччыны.
