У розных абласьцях Расеі назіраецца дэфіцыт альбо падаражэньне коштаў на бензін і дызель.
Зараз бензіну няма на многіх запраўках у Ліпецку, Туле ды іншых абласьцях. А кошт АІ-95 і АІ-92 падскочыў на 10-15 рублёў.
У Туле на адной з заправак паліва зараз прадаюць толькі юрыдычным асобам, 92-і бензін разліваецца па талонах, а дызеля проста няма ў наяўнасьці.
Крызісная сітуацыя таксама назіраецца ў Крыме, Татарстане, Марый-Эл і Чувашыі. Да прыкладу, 65 рублёў за літр 95-га і 59 рублёў за 92-і – гэта цэны на буйных сеткавых і прыватных АЗС у Ліпецку.
Пры гэтым стрымліваць кошты імкнуцца ў Чувашыі і рэгіёнах паблізу. Там за апошнія тры месяцы цэны выраслі ўсяго на 3, 3-3, 4%, але толькі на сеткавых кропках.
Тым часам, у Мінэнерга запэўніваюць, што прычына сітуацыі — спробы стварыць штучны дэфіцыт.
