- Былога вайскоўца судзяць за нібыта перадачу ўкраінцам інфармацыі пра расейскія войскі
11 верасьня ў Мінску пачаўся “суд” над Дзьмітрыем Гуліным — ваенным ў адстаўцы, якога абвінавачваюць у дзейнасьці на карысць украінскіх спецслужбаў. Гуліна абвінавачываюць у тым, што ён падчас паўнамасшатбнага ўварвання РФ перадаваў СБУ інфармацыю аб перамяшчэньні і дыслакацыі войскаў, складзе сіл спецаперацый.
- КДБ паведамляе пра затрыманьне трох «баявых ячэек», якія нібыта працавалі на СБУ і хацелі падарваць у Беларусі чыгунку
Камітэт паведамляе, што затрымалі і зьмясцілі ў СІЗА КДБ трох мужчынаў – дзьвух беларусаў і украінца. Па іх інфармацыі, два беларусы зьбіраліся падарваць чыгунку, а кіраваць імі планаваў грамадзянін Украіны. Той самы ўкраінец, па інфармацыі КДБ, незаконна перасёк мяжу Беларусі і пакінуў там арсенал зброі.
- Палітвязня асудзілі на 2,5 гады калоніі за перасылку відэа вайсковай тэхнікі
Андрэй Рамановіч атрымаў два гады і шэсьць месяцаў пазбаўленьня волі за тое, што ён 18 сакавіка 2022 года ў Івацэвіцкім раёне зьняў на тэлефон перамяшчэньне беларускай вайсковай тэхнікі і даслаў відэа ў адну з тэлеграм-групаў, прызнаных «экстрэмісцкімі» матэрыяламі.
- Сілавікі ў Гродне затрымалі айцішніка
Праўладныя ТГ-каналы паведамілі на сваім канале пра затрыманьне гродненца, які «рассылаў па чатах метадычкі па зьдзяйсненні дыверсій і тэрарыстычных актаў, а яшчэ вельмі негатыўна выказваўся на адрас расейскіх вайскоўцаў».
- Сілавікі затрымалі жыхара Слоніма за камэнтары ў Telegram
Мужчына са Слоніму быў затрыманы за тое, што нібыта абражаў супрацоўнікаў міліцыі і прадстаўнікоў улады, пісаў негатыўныя камэнтары пра расейскіх вайскоўцаў, а таксама абяцаў знайсьці судзьдзю, якая ў 2020-ым годзе прызначыла яму 15 сутак арышту.
- ГУБАЗіК затрымаў 17-гадовага хлопца за татуіроўку «рускі ваенны карабель, ідзі….»
Далейшы лёс хлопца беларускім праваабаронцам пакуль невядомы.
Інфармацыя падаецца станам на 10 і 11 верасьня. Крыніца – праваабарончы цэнтар “Вясна”.
