ЗША плянуюць размарозіць і вярнуць Беларусі каля $43–44 млн, якія знаходзяцца на рахунку ў амэрыканскім Citibank.
Спэцпасланьнік ЗША па Беларусі Джон Коўл заявіў, што амэрыканскі бок пачуў просьбу Лукашэнкі і ўжо зьвярнуўся ў банк з просьбай размарозіць сродкі.
«Гэтыя грошы павінны быць размарожаныя і вернутыя. Мы зьвярнуліся ў банк з просьбай размарозіць іх. Цяпер выпрацоўваем мэханізм таго, як гэта зрабіць», — сказаў Коўл падчас сустрэчы з Лукашэнкам.
Паводле Лукашэнкі, гэта грошы, якія заплаціла кампанія, што супрацоўнічала зь Беларусьсю.
