Колькасьць украінцаў з часовай абаронай у Польшчы працягвае зьмяншацца.
Паводле апошніх дадзеных Eurostat, на канец чэрвеня 2026 году ў Польшчы заставалася 961,2 тыс. чалавек з часовай абаронай — на 6,3 тыс. менш, чым месяцам раней.
Пры гэтым у Чэхіі колькасьць вырасла да 390,8 тыс., у Нямеччыне — да 1,286 млн.
Такім чынам, Польшча губляе частку ўкраінскіх уцекачоў, а Чэхія застаецца адным з галоўных напрамкаў пераезду. На кожную 1000 жыхароў Чэхіі прыпадае ўжо 35,8 украінца з часовай абаронай — найвышэйшы паказьнік у ЭЗ.
Пры гэтым украінцы па-ранейшаму складаюць пераважную большасьць — 98,5% усіх атрымальнікаў часовай абароны ў ЭЗ.
Прычыны міграцыі могуць быць рознымі, але сам трэнд відавочны: частка ўкраінцаў пераглядае выбар краіны для жыцьця ў Эўропе.
