Грузінскі нафтаперапрацоўчы завод у Кулеві пачаў адмаўляцца ад расейскай нафты і пераходзіць на пастаўкі з Казахстану і Лібіі, паведаміла кампанія-ўласьнік Black Sea Petroleum.
Завод магутнасьцю 24 тысячы барэляў за суткі пачаў перапрацоўваць казахстанскую нафту ў ліпені і працягне ў жніўні. Кампанія таксама заключыла пагадненьне на пастаўкі лібійскай нафты да канца жніўня. Кантракт разьлічаны да 2027 году з магчымасьцю падаўжэньня.
23 ліпеня ЭЗ уключыў НПЗ у Кулеві ў 21-ы пакет санкцыяў, аднак іх увядзеньне адклалі на шэсьць месяцаў. Калі за гэты час завод цалкам адмовіцца ад расейскай сыравіны, абмежаваньні ня будуць уведзеныя.
У першай палове 2026 году Кулеві перапрацаваў 650 тысяч тон нафты. Завод магутнасьцю 1,2 млн тон за год пачаў працу ў канцы 2025-га і вырабляе дызэльнае паліва, нафту і мазут. У пэрспэктыве магутнасьць плянуюць павялічыць да 4,5 млн тон за год.
Black Sea Petroleum заяўляе, што канчатковая мэта — поўны пераход на нерасейскую сыравіну пры захаваньні стабільнай працы НПЗ.
