Затрыманага за камэнтары пра расейцаў грамадзяніна Туркменістана хочуць дэпартаваць зь Беларусі.

Затрыманы 2 верасьня грамадзянін Мэйліс Матдурдыев пражываў у Беларусі ўжо 10 гадоў, працаваў бармэнам.
Лукашэнаўскія карнікі затрымалі яго за падпіскі на «экстрэмісцкія» каналы, а таксама абразлівыя камэнтары ў адрас грамадзян РФ.

Паводле інфармацыі @Grodno_grab, Мэйліса пазбавілі віду на жыхарства і прызначылі дэпартацыю, а таксама штраф у памеры 900 рублёў.