У ноч на 20 ліпеня Расея нанесла масаваныя ўдары па Кіеве і Запарожжы. У сталіцы загінула 89-гадовая жанчына, яшчэ 13 чалавек былі параненыя. Пашкоджаныя жылыя дамы, інтэрнат, кінатэатар, станцыя мэтро, офісы і аўтамабілі.
У Запарожжы расейская авіябомба трапіла ў пяціпавярховы жылы дом. Загінулі 11-гадовая дзяўчынка і дзьве жанчыны ва ўзросьце 71 і 72 гадоў, яшчэ 41 чалавек атрымаў раненьні.
Адначасова больш за 400 украінскіх дронаў атакавалі Маскву і Падмаскоўе. Украіна цэліла ў нафтабазу, адзін з найбуйнейшых лягістычных хабаў Wildberries у Падольску і індустрыяльны парк «Паўднёвыя вароты» ў Дамадзедаве. На аб’ектах узьніклі пажары.
Адзін з дронаў таксама трапіў у шматпавярховы жылы дом у Дамадзедаве. Паводле расейскіх уладаў, пацярпелі як мінімум шэсьць чалавек.
