Шаноўнае спадарства!
Запрашаем 23 траўня (субота), а 14-й гадзіне, на Ронда Вольнай Беларусі, дзе адбудзецца ўшанаванне памяці Героя антыбальшавіцкага збройнага супраціва, легендарнага атамана Юркі Моніча.
Пра вялікага беларуса памяталі і за савецкім часам. У лесе, дзе адбыўся апошні бой кіраўніка партызанскага аддзела Юркі Моніча з чэкістамі, людзі ўшаноўвалі яго памяць крыжамі на дрэвах, нягледзячы на пагрозу рэпрэсій. І лес гэты мясцовыя жыхары дасюль называюць Монічавым.
A ў 2007 годзе на сядзібе знакамітага мастака Алеся Пушкіна быў зроблены крыж св.
Еўфрасінні Полацкай — “Змагару за Беларусь Юрку Монічу”, які быў прымацаваны да дрэва на ўскрайку Монічава леса.
У 2008 і ў 2009 г.г. Рух Салідарнасці “Разам” усталяваў у памяць Юркі Моніча крыжы ў г. Барысаве ў раёне Батарэі, дзе адбываліся расстрэлы ў часы камуністычных рэпрэсій і дзе, магчыма, было пахавана цела легендарнага атамана, а таксама на могілках вёскі Малыя Жаберычы, дзе нарадзіўся герой.
Але і сённяшняя ўлада баіцца нагадвання пра герояў, якія ратавалі беларускі народ ад камуністычнай навалы, і незаконна знесла гэтыя крыжы. Дамагчыся выканання закона і ўратаваць крыжы спрабаваў Ігар Леднік…
Акцыя ў Варшаве будзе прысвечана ўшанаванню памяці ўсіх змагароў за Беларусь, –
Юркі Моніча. Алеся Пушкіна. Ігара Ледніка. Вітольда Ашурка…
Таму прыходзьце, каб паказаць — беларусы не забыліся на сваіх герояў, і мы не дазволім “перагарнуць старонку” лукашэнкаўскай бандзе.
Светлая памяць героям беларускага народа!
Жыве Беларусь!
Аргкамітэт
Варшава
18.05.2026
