Паводле дадзеных выданьня FT, сыстэма абароны ад бесьпілётнікаў будзе выкарыстоўваць спэцыяльныя турэлі і дыстанцыйныя баявыя модулі, здольныя зьбіваць дроны ракетамі з лазэрным навядзеньнем.
Кантракт на пастаўку такіх сыстэмаў на €1,4 млрд ужо атрымала нарвэская абаронная кампанія Kongsberg.
У Варшаве кажуць, што ня хочуць чакаць агульнаэўрапейскіх праектаў і вырашылі дзейнічаць хутчэй.
«Замест размоваў пра эўрапейскую дронавую сьцяну, якая гучыць як мара, мы хочам пачаць будаваць сыстэму ўжо цяпер і тэставаць яе на польскай мяжы», — заявіў генэрал Томаш Грамадзіньскі.
Варта дадаць, што калі гэтыя грошы ськіраваць не на “сьцяну”, а на зьнішчэньне расейскіх акупантаў ва Ўкраіне, ніякіх “сьцен” не спатрэбіцца…
