Рыхтуецца чарговае вызваленьне палітвязьняў у Беларусі перад Новым Годам. Добра было б, каб на волю вышлі такія вядомыя асобы як беларус Дзяніс Івашын і наш польскі сябра грамадзянін Беларусі Андрэй Пачобут. Іх даўно ўжо чакаюць на волі. І я ўпэўнены, што вызваленьне гэтых людзей станоўчым чынам паўплывае на агульнае становішча і дачыненьні.
Мяркуецца, што вязьняў зноў перададуць Украіне. Гэта добры варыянт. Можа, калі цяпер там будзе беларускі кантынгент, то ва Украіне зьнікне шакуючае ўражаньне ад папярэдняй партыі рускамірцаў — ворагаў Беларусі і Украіны.
Аказваецца, ва Украіне слаба ведаюць, што адбылося ў Беларусі ў 2020 годзе і думаюць, што ў турме сядзіць толькі беларуская нацыянальная апазыцыя. Не. Там, побач зь беларускімі патрыётамі пад выглядам апазыцыі да Лукашэнкі, сядзелі таксама і ворагі Беларусі ды газпрамаўскія расейскія стаўленьнікі тыпу Бабарыкі і кабеты з макіяжам. І для ўкраінцаў гэта стала адкрыцьцём. Праўда, некаторыя падумалі, што ў лукашысцкай турме ўсе такія. Не, далёка ня ўсе, і ў масе сваёй — ня ўсе.
Рэжым праводзіць генацыд беларусаў, масавыя рэпрэсіі, каб запалохаць і зьнішчыць актыўных асобаў Беларускай нацыі. Але нічага яму ня ўдасца. І Украіна, і Беларусь жывуць і будуць жыць!
Зянон Пазьняк
27-ХІІ-2025.
