22 жніўня 1861 году нарадзіўся Ігнат Буйніцкі, актор, рэжысэр, пачынальнік беларускага нацыянальнага тэатру.
Важна рэй Ігнат Буйніцкі
Ў танцах нашых водзіць,
Аж здаецца — усё чыста
Хадыром зь ім ходзіць.
Калі пусьціцца скакаці, —
Ажна сэрца скача;
Лепшых танцаў і ўвесь Піцер
Бадай што ня бачыў
<…>
Менавіта такой рыфмай Янка Купала ўшанаваў выбітнага сына беларускай зямлі Ігната Буйніцкага. Шляхціч па паходжаньню Ігнат Буйніцкі жыў беларускай песьняй і танцам ды зрабіў усё, каб беларускі фальклор стаў асновай высокай нацыянальнай культуры, прабудзіў сьвядомасьць беларускага народу. Яшчэ пры жыцьці Ігната Буйніцкага называлі “бацькам беларускага тэатра”.
Як пісала ў тыя часы “Наша Ніва”: “памяць Буйніцкага будзе сьвятой для ўсіх”.
