17 лістапада 2026

Беларускае нацыянальнае медыя

Па сутнасьці

Мушу адказаць на адно палітычна значымае пытаньне, якое часам задаюць разумныя людзі. Маўляў, навошта я часта пішу пра ўсіх гэтых прарасейскіх нацыянальна не арыентаваных асобаў (Бабарыку, Ціханоўскую і т.п.) ды пра іхны паразітызм у палітыцы. Нічога ж не зьмяняецца, і ўсе каму трэба ведаюць.

Пісаць, аднак, трэба, і часта, бо тое, пра што я пішу, — гэта чужародная ненацыянальная зьява. Тут не разыходжаньні ў нацыянальнай палітыцы, тут разыходжаньні ў адносінах да існаваньня нацыі. І галоўным крытэрам такога разыходжаньня ёсьць адносіны да Расеі.

Тут не супольная справа, не разыходжаньне ў сфэры свайго, а экзыстэнцыяльнае супрацьстаяньне — сваё і чужое.
Антырэжымная апазыцыя ў Беларусі (і найперш за мяжой) падзеленая па лініі адносінаў да Расеі. Накірункі не сумяшчальныя.

Пазыцыя нацыянальна-вызвольных дэмакратычных сілаў такая:

Расея — небясьпека. Немагчымасьць інтэграцыі з Расеяй. Мірнае суіснаваньне.

Лібэральна-дэмакратычныя (прарасейскія) сілы:
Расея — партнёр. Магчымасьць інтэграцыі з Расеяй. Супрацоўніцтва.

Без грунтоўнага ўнівэрсальнага і гарантаванага адмежаваньня ад Расеі (а ў ідэале без разбурэньня Расеі) будучыні ў Беларускай нацыі няма. Будуць толькі ахвяры і змаленьне, як шагрэневай скуры.

Я раней ня раз казаў і пісаў, што ў Вольнай Беларусі засьвечаныя “дзеячы” гэтай не нацыянальнай лібэральна-дэмакратычнай “апазыцыі” (і найперш Ціханоўская як шырма чужой палітыкі) павінны будуць (улічваючы стан акупацыі і пагрозы вайны) пайсьці пад сьледзтва. Нішто не забыта з таго, што сказана, і з таго, што сталася цяпер, і таго, што было некалі даўно ў выніку калабаранцкай лаяльнасьці да Расеі. Нельга забыць пра мільёны мірных беларусаў, замардаваных маскалямі за часы савецкай акупацыі, не адплочаных і не адпомшчаных. Якая яшчэ “інтэграцыя!”

Зьмятаючы антыбеларускі прамаскоўскі рэжым Лукашэнкі, ацэнка будзе дадзена ўсім: і лукашыстам, і так званым “дэмакратам”, усім, хто працаваў на Маскву супраць Беларусі, на Рашу — супраць нацыі, на мамону — за здраду Айчыне, на “мудрага Пуціна”. Здаецца, гэты час набліжаецца.

17 кастрычнік 2024 г.
Зянон Пазьняк

Разьвіталіся з беларускім героем Віталем “Вітушкам” Трыгубавым

Развітаньне прайшло 30 кастрычніка. Відэа з'явілася на канале Беларускага...

Кнігу пра Усебеларускі зьезд 1917 году прызналі “экстрэмісцкай”

Міністэрства інфармацыі Беларусі абнавіла сьпіс «экстрэмісцкіх матэрыялаў», дадаўшы ў...

Апошняе

Арменію пазбавілі права голасу ў АДКБ

Пра гэта заявіў прэс-сакратар Крамля Дзьмітры Пяскоў. Паводле ягоных...

Іран нанёс удар па востраве Дыдамар у Амане

Паводле паведамленьняў, іранскія ракеты ўдарылі па востраве Дыдамар у...

Разьвіталіся з беларускім героем Віталем “Вітушкам” Трыгубавым

Развітаньне прайшло 30 кастрычніка. Відэа з'явілася на канале Беларускага...

Глядзіце і чытайце WARTA у сацыяльных сетках: