Старшыня Эўрапейскай рады Шарль Мішэль заявіў, што «ЭЗ выказвае шчырыя спачуваньні» ў сувязі са сьмерцю прэзідэнта і міністра замежных спраў Ірана. Пра гэта Мішэль напісаў у сацсетцы Х.
Старшыня Эўрапейскай рады зрабіў заяву пасьля таго, як іранскія дзяржаўныя СМІ пацьвердзілі, што прэзідэнт і міністар замежных спраў Ірана загінулі ў катастрофе.
ЭЗ выказвае свае шчырыя спачуваньні ў сувязі з гібельлю прэзідэнта Раісі і міністра замежных спраў Абдалахяна, а таксама іншых членаў іх дэлегацыі і экіпажа ў выніку крушэньня верталёта. Нашы думкі з сем’ямі ахвяр
напісаў Шарль Мішэль.
Нагадаем, што аварыя адбылася, калі прэзідэнт і яго суправаджэнне вярталіся з раёна Хода-Афарын у правінцыі Усходні Азербайджан на паўночным захадзе Ірана пасля адкрыцця дамбы на сумеснай мяжы з Азербайджанскай Рэспублікай 19 траўня.
У авіякатастрофе загінулі прэзідэнт Раісі, міністр замежных спраў Амірабдалахян, кіраўнік пятнічнай малітвы ў Тэбрызе аятала Махамад Алі аль-Хашэм, губернатар Усходняга Азербайджана Малек Рахмаці, а таксама члены прэзідэнцкай аховы і экіпаж самалёта. Абломкі верталёта знайшлі ратавальнікі рана раніцай у панядзелак, 20 траўня.
