Швэдская міграцыйная служба прымае пад увагу ўказ беларускіх уладаў ад 4 верасьня 2023 года, паводле якога, грамадзяне Беларусі зараз не маюць магчымасьці атрымаць за мяжой новы пашпарт.
Паводле апублікаванага міграцыйнай службай дакумэнта, былі прааналізваны і ўлічаны меркаваньні беларускіх праваабаронцаў, якія зафіксавалі выпадкі арыштаў людзей, якія вярнуліся ў Беларусь за працягам закончанага пашпарта.
Згодна з швэдскім заканадаўствам, іншаземцу можа быць прадастаўлены від на жыхарства нават пры адсутнасьці пашпарта, калі атрымаць пашпарт у разумны тэрмін немагчыма праз замежнае прадстаўніцтва сваёй краіны або ўнутры сваёй краіны. А ў цяперашніх умовах гэта тычыцца ўсіх беларусаў з пратэрмінаваным пашпартам за мяжой.
Таму міграцыйны орган Швэцыі плануе выдаваць “пашпарты іншаземцаў” грамадзянам Беларусі, якія знаходзяцца ў Швэцыі і не могуць атрымаць пашпарт без рызыкоўнай паездкі ў Беларусь. З дапамогай гэтага дакумента можна будзе падаць заяву на атрыманьне віду на жыхарства Швэцыі.
Ці будзе гэта праязны дакумент замежніка ці нейкі іншы дакумент, пакуль не зразумела.
