“Гэта першы “Оскар” у гісторыі Ўкраіны.. Але, мабыць, я буду першым рэжысёрам на гэтай сцэне, які скажа, што жадаў бы ніколі не здымаць гэты фільм“ – cказаў у сваёй прамове на цырымоніі ўзнагароджаньня рэжысёр фільма Мсьціслаў Чарноў.
“Хацелася б абмяняць гэты «Оскар» на тое, каб Расея ніколі больш не ўрывалася ва Украіну, ніколі больш не нападала на нашы гарады»
Фільм «20 дзён у Марыупалі» распавядае пра першыя дні расейскага ўварваньня ва Украіну. Разам з фатографам Яўгенам Малаліткам і прадзюсерам Васілінай Сцепаненка рэжысёр прыехаў у горад за некалькі гадзін да таго, як на яго абрынуліся першыя расейскія бомбы. Ставаральнікі фільма зьяўляюцца членамі каманды Associated Press, яны сталі адзінымі прадстаўнікамі міжнародных СМІ ў Марыупалі.
Журналісты зафіксавалі расейскія злачынствы, зь якой жорсткасьцю расейцы нішчылі ня толькі дамы, але і жыцьці марыюпальцаў.
