Узмацненьне заходніх санкцый, адключэньне газу эўрапейскім краінам і падзеньне цэн на сусьветных сыравінных рынках ударылі па экспартных даходах расейскай эканомікі.
У 2023 годзе паступленьні ў Расею ад вывазу за мяжу тавараў скараціліся на 28%, паказвае статыстыка Федэральнай мытнай службы. Выніковы аб’ём экспартнай выручкі – $425,1 млрд. – стаў самым нізкім з пандэміі-2020, а адносна першага года вайны зьменшыўся на $167,4 млрд.
У параўнаньні з першым годам вайны сыравінная выручка скарацілася на 34% пасля таго, як нафтавікі былі вымушаны прадастаўляць двухзначныя зьніжкі нешматлікім пакупнікам, а “Газпром” спыніў пастаўкі большасьці эўрапейскіх кліентаў. Па выніках года экспарт газавай манаполіі стаў самым нізкім з 1985 года, а аб’ёмы здабычы абрынуліся да мінімуму за ўсю гісторыю кампаніі.
Пастаўкі расейскіх тавараў у Эўропу, некалі найбуйнейшы рынак збыту, паводле мытнай статыстыкі, скараціўся ўтрая, да $84,9 млрд. А тры чвэрці ўсяго экспарту – $306,6 млрд – прыйшлося на краіны Азіі, галоўным чынам Кітай.
