35 год таму была заснавана адна з найстарэйшых беларускіх культурніцкіх арганізацый у Вільні – Таварыства Беларускай Культуры. Дзякуючы працы ў першую чаргу Лявона Луцкевіча, Леваніда Караля, Міколы Рулінскага, Кастуся Шышэі і іншых Таварыства займалася адраджэньнем беларускай культурнай спадчыны ў Літве.
ТБК дагэтуль нясе сваю традыцыю, гэта арганізацыя – культурны, асьветніцкі і ідэйны асяродак для беларусаў Вільні, які падтрымлівае беларускую культуру і рабіць карысную для беларусаў працу. Зараз ТБК у Вільне ўзначальвае Аляксандар Адамковіч.
Аляксандар Адамковіч. Фатаздымак – Радыё Рацыя.
2 сьнежня ў Вільні адбылася сьвяточная імпрэза і канферэнцыя пад назвай „Беларусы ў Літве: учора і сёньня”. На ёй прысутнічалі беларусы і ганаровыя госьці, сярод якіх першы амбасадар Літвы ў Беларусі Альфонсас Аўгуліс, дацэнт кафедры гісторыі ўніверсітэта Вітаўта Вялікага, доктар Русціс Камантавічус, дырэктар Літоўскага фонду культуры і ўнук Вацлава Ластоўскага Рымантас Матуліс ды іншыя.
