Як паведамляе Dissidentby, Анатоль Старасьвецкі быў затрыманы ў верасьні адразу пасьля спатканьня з Віталіяй. Яго арыштавалі на выхадзе з жаночай калоніі і зьмясцілі ў ІЧУ. Зараз ён знаходзіцца ў СІЗА, супраць яго распачалі крымінальную справу (арт. 361-4 КК – садзейнічаньне экстрэмісцкай дзейнасьці).
Віталія — адзіная дзяўчына з асуджаных за ўдзел у «масавых беспарадках» у Брэсьце. Яна была затрымана 1 сакавіка 2021 года пасьля вяртаньня з-за мяжы і пазьней асуджаная да 4 гадоў калоніі. За кратамі яна выйшла замуж за Анатоля.
