У сяле Гроза ў Харкаўскай вобласьці з-за ўдару расейцаў загінула 51 чалавек. Сярод загінулых — 8-гадовы хлопчык, паведамілі ў абласной міліцыі. Тры чалавекі лічацца прапаўшымі без вестак, 6 пацярпелых знаходзяцца ў бальніцы. Да гэтага часу ўдалося апазнаць 37 целаў загінулых.
У сяле Граза Купянскага раёну пражывала каля 330 чалавек, з чаго вынікае, што загінуў практычна кожны шосты вясковец.
Ракетны ўдар быў нанесены па кавярне, у якой людзі сабраліся на памінікі пасля пахаваньня мясцовага жыхара, вайскоўца.
«Адным ударам знішчана ледзь не палова вёскі», — заявіў прэс-сакратар харкаўскай абласной пракуратуры Дмітро Чубенка. Ракетны ўдар быў нанесены па лакацыі ў якой адначасова знаходзілася вялікая колькасьць людзей. Гэта адна з прычын, чаму вывучаецца версія, што нехта з мясцовых мог перадаваць інфармацыю расейцам.
