Сёньня беларусу Алесю Чаркашыну магло бы споўніцца 41 год. Ён быў першы з беларусаў, хто загінуў на вайне Украіны і Расеі.
Алесь Чаркашын нарадзіўся 27 верасьня 1982 года. Біяграфія Алеся мае багата фактаў удзелу ў змаганьні за Беларусь: актывіст руху “Зубр”, спартыўна-патрыятычнай арганізацыі “Край”, кіраўнік філіі “БХД” у Бярэсьці, удзельнік Плошчы 2010 года і г.д.
У 2013 г. Чаркашын правёў сваю самую запамінальную акцыю ў Беларусі. У вопратцы прарока і з акрываўленымі рукамі ў ланцугах ён выйшаў пад будынак аблвыканкаму ў Берасці і заклікаў уладу і мінакоў павініцца ў грахах.
Неўзабаве пасьля пачатку вайны Расеі супраць Алесь Чаркашын апынуўся ва Украіне.
У 2014 годзе Алесь Чаркашын ўступіў у “Правы Сектар”, быў байцом Тактычнай групы “Беларусь” у расейска-украінскай вайне. Загінуў ад сур’ёзнага раненьня ў баі пад Белакаменкай на Данбасе у 2015 годзе.
Пабрацімы Алеся памятаюць, што ён не выпускаў з рук гітару і малітоўнік. Часам, калі ён граў на гітары свае песьні, то замест медыятара браў у рукі патрон (успаміны бацькі Мікалая Чаркашана)
Чаркашын быў пасьмяротна ўзнагароджаны ордэнам «Народны герой Украіны».
