19 верасьня ў Варшаве ў клубе Scena Chmielna адбыўся канцэрт сьпявачкі і музыкі Тацьцяны Грыневіч-Матафонавай.
Спадарыня Тацьцяна выконвала творы пад акампанемент піаніна, гітары і скрыпкі. Таксама адбылася іправізацыя-дуэт з вядомым беларускім бардам Зьміцерам Бартосікам. Па новаму загучалі песьні “Тры чарапахі” (НРМ) і “Лістапад” (З.Бартосік).
На сустрэчу з Тацьцянай Грыневіч прыйшлі дарослыя і дзеткі. Госьці імпрэзы падпявалі песьні, разам танчылі ды гулялі у гульні. Усё разам прыгадалі “дваравыя канцэрты” 2020 года, калі Тацьцяна грала на скрыпцы для беларусаў ды зааахвочвала на танцы і сьпевы.
Пад час канцэрту гучэлі творы беларускіх паэтаў, калыханкі, а таксама гімны: “Магутны Божа” і “Пагоня”. Вельмі горача была прынята публікай песьня “Разьвітаньне з Радзімай”.
Беларуская сьпявачка Тацьцяна Грыневіч-Матафонава ўжо трэці год жыве ў эміграцыі, у Станбуле. Прыехаўшы на некаторы час у Польшчу спадарыня Тацьцяна сустракаецца з беларусамі, выступае на канцэртах. Плануюцца яшчэ выступы ў некаторых гарадах Польшчы.
