Пасьля больш чым чатырохгадовага перапынку Turkish Airlines зноў пачала рэгулярныя палёты паміж Стамбулам і Менскам. Першы самалёт сёньня прыбыў у Нацыянальны аэрапорт «Менск» паводле раскладу.
На першым этапе плянуецца 6 рэйсаў на тыдзень, а з 6 кастрычніка – штодзённае злучэньне.
Стамбул – важны транзытны вузел, таму аднаўленьне маршруту пашырае магчымасьці для падарожжаў беларусаў.
Варта адзначыць і іншы бок сытуацыі: транспартныя абмежаваньні Эўразьвязу ў дачыненьні да Беларусі моцна паменшылі прамыя магчымасьці для міжнародных паездак. У выніку такія маршруты, як Стамбул – Менск, набываюць яшчэ большае значэньне для пасажыраў.
