Пасольствы Злучаных Штатаў Амэрыкі ў краінах Блізкага Ўсходу выпусьцілі тэрміновае папярэджаньне пра пагрозу бясьпецы ў рэгіёне.
Дзярждэпартамэнт ЗША адзначае высокую рызыку парушэньня цывільнага авіязлучэньня, у тым ліку магчымага закрыцьця паветранай прасторы і скасаваньня рэйсаў.
Прычынай эскаляцыі стала актывізацыя баявых дзеяньняў і пагрозы прымяненьня ракетаў ды дронаў супраць цывільнай інфраструктуры.
Грамадзянам ЗША і падарожнікам рэкамэндуюць захоўваць павышаную асьцярожнасьць ды сачыць за статусам сваіх вылетаў.
Нашым суайчыньнікам у рэгіёне таксама рэкамэндуецца загадзя правяраць інфармацыю ад авіяперавозчыкаў і пазьбягаць месцаў вялікага скопішча людзей.
