Маскальскі рынак паліва перажывае істотныя перабоі. Як сьведчаць дадзеныя сэрвісу gdebenzіn, больш чым на 45 адсотках заправачных станцый краіны адсутнічае паліва маркі АІ-92, а папулярны АІ-95 зьнік з 53 адсоткаў заправак. На чвэрці АЗС на працягу апошняга тыдня назіраліся вялізныя чэргі, а кожная дзесятая станцыя ўвяла ліміты на продаж.
Найбольш крытычная сытуацыя склалася ў Санкт-Пецярбургу й Ленінградзкай вобласьці, дзе пасьля прыпыненьня працы НПЗ у выніку ўкраінскага ўдару ўвялі абмежаваньне да 30 літраў на адно аўто, а каля 20 адсоткаў прыватных заправак у рэгіёне былі вымушаныя цалкам зачыніцца. Адчувальная нястача паліва фіксуецца таксама ў Краснадарскім краі, Іркуцкай, Растоўскай і Архангельскай абласьцях.
З пачатку году сярэдні кошт бэнзыну ў Расеі вырас на 21 адсоткі, што экспэрты зьвязваюць з сыстэматычнымі атакамі бесьпілётнікаў па НПЗ і праблемамі ў лягістыцы
